第四步：交收日

喺約定嘅時間同地點，我哋嘅拖車司機會幫手進行交接。

司機會即場檢查車輛，只有冇問題嘅情況先會進行交接。

記得攞齊以下嘢：

• 車輛嘅登記文件原本 (牌簿)

• 車輛牌照（行車証）原本同副本

• 車主身份證原本同副本

• 車匙

檢查完成後，如一切順利，我哋公司會以現金或本票進行交易。我哋會即刻提供一張車輛拆毀證明書（俗稱劏車紙），係用作證明車輛已經拆解。證明書會包括交收日期同時間、公司印章、商業登記號碼、公司收據同交易金額。車主需要提供車輛登記文件，以便我哋公司核對車身底盤同引擎號碼。

源興行提醒你：記得好好保管劏車紙，因為喺下一步中會講到劏車紙嘅重要性。